Incidentet tronditëse, pezullohet shefi i Policisë në Këln

Pak pasi Kancelarja Angela Merkel hodhi propozimin e ashpërsimit të ligjeve për azilkërkuesit, një grup prej gati 15 meshkujsh të huaj, thuhet të kenë ngacmuar e prekur në mënyrë të pahijshme dy vajza, përpara një klubi nate në Mynih.

Kë është vetëm më i fundit i 150 raporteve për ngacmime seksuale ndaj femrave në 5 qytete të ndryshme të vendit.

Ngjarjet e këtyre ditëve e kanë vënë në pozicion të vështirë shefen e ekzekutivit. Vala e kritikave ndaj politikës së saj të dyerve të hapura, që u lejoi 1,1 milionë emigrantëve hyrjen në Gjermani gjatë 2015-s, ka marrë hov të ri, pas episodeve që tronditën mbarë vendin.

Shefi i policisë së Këlnit, Wolfgang Albers u pezullua nga puna, pas akuzave se kishte fshur të dhëna mbi incidentet e natës së Vitit të Ri. Ministri i Brendshëm i Landit të Renanisë Veriore- Vestfalisë, Ralf Jager, argumentoi se një hap i tillë ishte me shumë rëndësi për rivendosjen e besimit publik ndaj forcave të rendit. Jager sqaroi se, kishte diskutuar personalisht me Albersin dhe se, shefi i policisë kishte treguar “shumë mirëkuptim”.

Vendimi zyrtar u mor pak, pasi policia u kritikua për paaftësinë e saj për të parandaluar rreth 1000 vetë nga zhvatja dhe ngacmimi seksual i grave në stacionin qendror të trenit në Këln, më 31 dhjetor.

Albers u akuzua konkretisht se nuk kishte informuar publikun për sulmet dhe se nuk kishte publikuar vendet e origjinës së agresorëve të përshkruar si të rinj me tipare arabe dhe afrikano-veriore. Kryetarja e Bashkisë së Këlnit, Henriette Reker u distancua nga drejtuesi i policisë, me pretendimin se asaj vet nuk i ishte përcjellë e plotë tabloja e sigurisë atë natë.

Top Channel