Abuzimi mjedisor në Gërmenj-Shelegur, shkon në prokurori kallëzimi i Dades
13/01/2016 14:35
Skandali në Fiks Fare/ “Vdes për p… dhe lekë”, avokati i kërkon favore seksuale klientes, bashkëpunon me ish-burrin e saj
25/04 20:42
Prokuroria e Përgjithshme ka dërguar për veprime të mëtejshme hetimore në Prokurorinë e Korçës, kallëzimin e deputetes së këtij qarku Arta Dade në lidhje me abuzimin mjedisor në zonën pyjore Gërmenj-Shelegur.
Prokuroria e Përgjithshme pohon nëpërmjet zyrës së shtypit se delegimi i çështjes në Korçë është bërë për shkak të kompetencës territoriale, pasi dyshimet për kryerjen e kësaj vepre kanë ndodhur në këtë zonë.
Ndërkohë, Prokuroria e Korçës konfirmon se ka nisur verifikimet për veprën penale të shpërdorimit të detyrës dhe prerje të paligjshme të pyjeve.
Kërkesa e deputetes për procedim penal erdhi pas denoncimit në emisionin “Fiks Fare” për shkatërrimin e parkut në zonën e mbrojtur të Shelegurit.
E intervistuar nga “Fiks Fare”, zonja Dade akuzoi publikisht kompaninë që po shkatërron parkun dhe zyrtarët e Ministrisë së Mjedisit që nuk ndërhyjnë.
Top Channel
