Reforma në drejtësi, LSI me propozime për draftin final

Caka doli në një konferencë për mediat pasi Meta thërriti në një takim në Kryesinë e Kuvendit aktorët kryesorë të kësaj force të përfshirë në reformën në fjalë, si ministrin e Drejtësisë, Ylli Manjani, paraardhësin e tij në këtë post, Nasip Naço, kreun e Komisionit të Sigurisë Kombëtare, Spartak Braho dhe Petrit Vasilin.

“LSI fton të gjitha partitë politike të kontribuojnë në këtë proces, që do të nisim nesër në Kuvend. Ne si LSI do të paraqesim nesër mendimet tona në funksion të përmirësimit të draftit final të reformës së drejtësisë”, tha Caka.

Ashtu siç pritej, LSI ja ka lënë takimit të së premtes vendimin për pozicionimin ndaj draftit final të ekspertëve. Ende nuk ka konfirmim zyrtar se cila do të jetë vota e saj për draftin final në Venecia, votë që është edhe vendimtare për të bërë shumicën në Komisionin e Posaçëm për shkak të përbërjes së barabartë.

Mesa duket kjo ka qënë edhe çështja që është diskutuar në takimet e gjata mes kryeministrin Rama dhe kryeparlamentarit Meta edhe gjatë paradites se kësaj të enjte. Pas këtyre takimeve pyetjes së Top Channel nëse anon nga Pro-ja vota e LSI-së, burimet iu përgjigjen me “besoj se PO”.

Shkaku i votës vendimtare  të LSI-së, mesa duket ka qënë edhe qëllimi i takimit të ambasadores së BE-së Romana Vlahutin në zyrën e Ilir Metës, pas takimit të tij me Ramën. Po ashtu mësohet edhe për një telefonatë të ambasadorit amerikan Donald Lu me kreun e LSI-së. Pritshmëria e Partisë Socialiste është që drafti të marrë Ok-jin e Komisionit të premten dhe përballja e qëndrimeve të bëhet pasi dy ekspertët e Venecias të kenë mbërritur në Tiranë më 21 dhe 22 janar.

Top Channel