Somali, Al Shabab merr nën kontroll një bazë ushtarake
16/01/2016 00:00
Ndodh në Parlamentin Europian, eurodeputeti nxjerr nga çanta pëllumbin dhe e lëshon në sallë! Reagojnë ashpër të pranishmit (VIDEO) 25/04 13:18
Militantët e Al Shababit mësynë e morën nën kontroll një bazë ushtarake të Unionit afrikan në qytetin jugor somalez të El-Ade-s.
Grupi islamik pretendon se tashmë kampi është krejtësisht në duart e tyre dhe se ka vrarë mbi 60 ushtarë kenianë.
Banorë të zonës konfirmuan për BBC-në se mbi kampin e ruajtur nga forcat e Kenias është ngritur vërtet flamuri i Al Shababit.
Ata shtojnë se militantët i kishin shëtitur nëpër qytet trupat e pajetë, ndërsa zëdhënësi i Ushtrisë keniane deklaroi se ishte sulmuar një bazë somaleze aty pranë dhe se trupat e Kenias kishin ndërhyrë për të frenuar goditjen e ekstremistëve.
Edhe pse ai nuk ka shifra për viktimat në të dy krahët, numrin e viktimave keniane të përcjellë nga militantët e cilësoi të ekzagjeruar dhe pjesë të propagandës së zakonshme të Al Shababit.
Top Channel
