Gabimi i 10-vjeçarit mysliman, alarmon policinë britanike
20/01/2016 00:00
Në Britani, një djalë 10-vjeçar mysliman që shkroi gabimisht se jetonte në një “shtëpi me terroristë”` gjatë një ore mësimi të anglishtës në shkollë, është marrë në pyetje nga policia.
Nxënësi i një shkolle fillore në Lancashire, sqaroi se kishte dashur të thoshte “një shtëpi me tarracë”, por ishte shprehur gabim.
Marrja në pyetje u bë në shtëpinë e djalit, ku policia kontrolloi dhe laptopin e familjes.
Që prej muajit korrik, mësuesit në Britani detyrohen me ligj të raportojnë çdo sjellje të dyshimtë me sfond ekstremist.
Top Channel