Arrestimi i Kserës, Ristani: PD nuk bëhet pengesë e asnjë hetimi
30/01/2016 14:25
“Shoqen tonë e bëmë ministre dhe nuk erdhi as në mbledhje, do ta bëj të skuqet”, zbulohet ish-deputetja që nuk iu përgjigj Metës në telefon 19/04 23:04
Partia Demokratike ka reaguar pas arrestimit të ish ministrit Spiro Ksera. Arben Ristani, sekretar i përgjithshëm i PD-së tha se PD nuk bëhet pengesë e asnjë hetimi ndaj zyrtarëve të akuzuar për korrupsion.
“Partia Demokratike mbështet dhe inkurajon çdo hetim dhe akt të drejtësisë në luftën kundër korrupsionit. Partia Demokratike nuk bëhet pengesë e asnjë hetimi ndaj zyrtarëve apo ish-zyrtarëve të saj në asnjë rast dhe e vlerëson luftën ndaj korrupsionit si jetike për vendin”, tha Ristani.
Ai i ka kërkuar prokurorisë të zbardhë akuzat dhe të veprojë me profesionalizëm duke zbatuar vetëm ligjin. “Ne inkurajojmë hetime të drejta dhe objektive, të pandikuara nga politika dhe veçanërisht nga nevoja që ka qeveria dhe kryeministri më i korruptuar në Ballkan, për të larguar vëmendjen nga hajdutëria masive që po bëjnë çdo ditë, në dogana, tatime, tendera, koncesione dhe privatizime”, tha Ristani.
Top Channel
