Logoja e 8-vjetorit të pavarësisë, Thaçi e poston në Facebook
03/02/2016 18:35
Ambasadori i Gjermanisë në Prishtinë: Kosovën e pret punë e vështirë për t’u anëtarësuar në Këshillin e Evropës në maj 16/04 23:01
Zëvëndëskryeministri i Kosovës, Hashim Thaçi ka zbuluar logon e festimeve të 8-vjetorit të pavarësisë. Me një postim në Facebook, Thaçi e ka publikuar logon duke u bërë thirrje qytetarëve që ta postojnë atë në profilet e tyre në rrjetet sociale.
“Të nderuar miq, përvjetori i 8-të i Pavarësisë së Republikës së Kosovës është duke u afruar, prandaj unë ju ftoj të vendosni edhe ju këtë “cover” festiv në faqen tuaj të Facebook-ut”, thotë Thaçi.
Numri dy i qeverisë së Kosovës vlerëson se, shpallja e Pavarësisë më 17 shkurt 2008 ishte kurorëzimi i një rruge të mundimshme, plot përpjekje dhe sakrifica.
“Prandaj, në nder të gjithë atyre brezave që kanë ëndërruar, punuar dhe luftuar për ditët e lirisë dhe pavarësisë që gëzojmë sot, ju ftoj që ta festojmë të gjithë së bashku këtë ditë të papërsëritshme të historisë së popullit tonë”, shkruan Thaçi në postimin e tij të shoqëruar me foton e logos festive.
Top Channel
