Bllokohet një skaf në Vlorë, policia: Ngjason me atë që u ndoq nga autoritetet italiane

Autoritetet shqiptare konfirmojnë se po vazhdon mbikëqyrja e hapësirës së Adriatikut në të dyja brigjet e tij, si dhe po zhvillohen operacione të koordinuara me autoritetet italiane.

“Gjatë operacionit të përbashkët nga Policia Kufitare e Vlorës dhe ajo e qarkut në brigjet e Vlorës, nga kontrollet e zhvilluara u identifikua një mjet me dokumenta të parregullta i cili u bllokua”, njofton policia.

Ndërkohë vijojnë kontrollet nga Policia Kufitare Durrës, Vlorë, Sarandë, e në të gjithë hapësirën detare si dhe në vendbazimet e mjeteve lundruese.

Të shtunën u sekuestrua gjysmë toni hashash që kërkonte të hynte në brigjet e vendit fqinj përmes një skafi që ka mundur t’i shpëtojë ndjekjes. Operacioni për kapjen e drogës ka qenë i përbashkët mes policisë shqiptare, italiane dhe asaj malazeze.

Top Channel