Tirana heq vizat për serbët, Beogradi jo
14/04/2010 08:40
Dita e balonave/ Elbasan, fëmijët e kopshteve mbushin qiellin me balonat plot me ngjyra
20/04 14:10
Një muaj nga premtimi që ministri i Jashtëm, Ilir Meta, bëri nga Beogradi se do të heqë vizat për serbët që shkelin në Shqipëri, qeveria shqiptare e konkretizon këtë vendim.
Siç njofton në një njoftim zyra për shtyp e Këshillit të Ministrave, qeveria miratoi dje një shtesë në vendim “Për përcaktimin e kritereve dhe procedurave dhe të dokumentacionit për hyrjen, qëndrimin dhe trajtimin e të huajve në Republikën e Shqipërisë”.
Të njëjtat burime saktësuan se me anë të këtij vendimi, Ministria e Punëve të Jashtme propozon liberalizimin e regjimit të vizave të qëndrimit afatshkurtër për shtetasit e Serbisë.
“Kjo masë do të lehtësojë lëvizjen edhe të shqiptarëve në Luginën e Preshevës dhe të gjithë shtetasve serbë me kombësi shqiptare, të cilët për shkak të regjimit të vizave, që të hyjnë në Shqipëri u duhet të marrin vizë në ambasadën shqiptare në Beograd”, thuhet në vendim.
Mundësia e heqjes së vizave me Serbinë është premtuar fillimisht nga ministri i Punëve të Jashtme, Ilir Meta, gjatë vizitës që nisi më 11 mars në Serbi. Në takimet e tij, Meta premtoi heqjen e vizave me shtetin serb. Në takimet me Metën, zyrtarët serbë nuk shprehën asnjë deklaratë për heqje vizash me Shqipërinë. Ndërkohë, shteti i Serbisë aplikon për Shqipërinë sistemin e vizave, ku për një udhëtim në këtë vend duhet të aplikosh për vizë në ambasadën serbe që ndodhet ish-Bllokun e Vilave, në Tiranë.
Top Channel
