Hiri vullkanik, nuk rrezikon “Discoveryâ€
18/04/2010 16:05
Man. United sërish pazar tek Interi, gati 60 mln Euro për 25-vjeçarin 25/04 08:41
Reja gjigande e hirit vullkanik që ka trazuar trafikun ajror në Europë, nuk do të ketë asnjë efekt mbi anijen kozmikë “Discovery” në zbritjen e saj për në tokë, planifikuar për të hënën.
Ekspertët e NASA-s janë të bindur se udhëtimi i “Discovery” nuk do të cënohet prej tymit të vullkanit islandez.
Pasi të hyjë në atmosferën e tokës, mëngjesin e së hënës, anija hapësinore do të fluturojë mbi Paqësor para se të ulet në qendrën hapësinore “Kennedy” të Floridas. Trajektorja e saj duket se është jashtë lëvizjes së hirit vullkanik.
NASA pret gjithashtu që ekuipazhi i “Discovery” të sjellë foto të marra nga lart të resë së hirit vullkanik që ka mbuluar qiejt e Europës Veriore.
“Disciovery” dhe astronautët e saj, ndër të cilat katër femra u larguan nga stacioni hapësinor ndërkombëtar të shtunën pasi përmbushi misionin 10 ditor. Detyra e ekuipazhit të saj gjatë kësaj kohe ishte montimi i një çisterne të re amoniaku për sistemin e ftohjes së ISS-së.
Prania e 4 astronauteve femra në bord e ktheu në një rekord botëror misionin e “Discovery”, një ndër të fundit për anijen kozmike.
Top Channel
