Mediat serbe: Serbia do të zbusë rezolutën
07/09/2010 14:35
Serbia ka filluar të përkulet nga presioni i Bashkimit Evropian për ta zbutur rezolutën e saj mbi Kosovën, të cilën do ta paraqesë në Asamblenë e Përgjithshme të OKB-së.
Kështu shkruhet në mediat kryesore të Beogradit, duke cituar burime diplomatike.
Marrëveshja pritet të formalizohet në takimin e sotëm në Bruksel të presidentit të Serbisë, Boris Tadic dhe përfaqësueses së lartë për Politikë të Jashtme dhe Siguri të BE-së, Katherine Ashton.
Gazetat ‘Blic’, ‘Politika’ dhe ‘Danas’, citojnë burime në Beograd dhe Bruksel të kenë thënë se në rezolutën e ndryshuar nuk do të figurojë dënimi i shkëputjes.
Top Channel