Serbi, Jeremic mund të shkarkohet
10/09/2010 12:00
Presidenti serb Boris Tadic do të bisedojë pas kthimit nga Nju Jorku me ministrin e Jashtëm Vuk Jeremic, për ndryshime të mundshme në dikasterin e këtij të fundit.
Lajmin e bëjnë të ditur mediat serbe, të cilat aludojnë se Jeremic mund të lëvizet nga funksioni i shefit të diplomacisë.
Këtë gje e kanë kërkuar edhe përfaqësues të partive të tjera, në vecanti lideri i Partisë Progresiste, Tomisllav Nikolic.
Megjithatë, Tadic ende nuk ka vendosur dhe për këtë pritet kthimi nga Nju Jorku i delegacionit serb, që mori pjesë në Asamblenë e Përgjithshme të OKB-së.
Top Channel