Vizat, PS loboi te socialdemokratët në PE
07/10/2010 19:10
Një ditë përpara marrjes së vendimit të Parlamentit Europian për liberalizimin e vizave, një grup deputetësh socialistë morën pjesë në mbledhjen e grupit socialdemokrat në PE.
Sipas njoftimit zyrtar të Partisë Socialiste, deputetët e opozitës kërkuan gjatë kësaj mbledhjeje mbështetjen e 189 deputetëve socialdemokratë për rezolutën e liberalizimit të vizave.
Deputetët socialistë thanë se, shqiptarët e meritojnë heqjen e vizave pas 20 vjet pritjeje të gjatë.
Grupi socialdemokrat përshëndeti rolin e Partisë Socialiste në këtë proces dhe deklaroi mbështetjen unanime për rezolutën e lëvizjes së lirë për shqiptarët, ashtu sic u verifikua sot gjatë votimit.
Top Channel