Jennifer Lopez, femra më e bukur në botë
13/04/2011 20:25
Jennifer Lopez është përzgjedhur nga revista People si femra më e bukur në botë.
41-vjeçarja, nënë e dy fëmijëve, deklaroi se të qenit e bukur është pjesë e punës së saj.
“Kujdesem për lëkurën, bëj stërvitje dhe ha gjëra të shëndetshme në mënyrë që të dukem sa më mirë sepse kështu e do profesioni im”, u shpreh Lopez për këtë revistë.
Këngëtarja dhe aktorja latine ka rreth 2 dekada në botën e spektaklit dhe siguron që nuk është aspak e lehtë.
“Nuk dua që njerëzit të mendojnë se jeta ime është e lehtë. Unë nuk kam kohë dhe punoj shumë. Nuk bëhet fjalë që unë të shtrihem dhe të shoh e qetë TV”, shtoi bashkëshortja e këngëtarit Marc Anthony.
Top Channel