Stoner në pole position
16/07/2011 20:45
De Rossi: Me El Shaarawy-n më doli mirë, kjo Romë do të ngrinte kokë edhe me Mourinhon 25/04 22:49
Kejsi Stoner ka marrë pol position-in e gjashtë në 9 gara në Saksenrig ku nesër do të zhvillohet Çmimi i Madh i Gjermanisë.
Piloti australian i Hondës ka arritur të regjistrojë kohën më të shpejtë në këto prova duke harruar rrëzimin gjatë provave të lira ditën e premte.
Megjithatë duket se Honda në tërësi po përshtatet me karakteristikat e pistës gjermane, pasi në vendin e dytë gjendet shoku i tij i skuadrës Daniel Pedroza, i cili gjithashtu është paraqitur shumë mirë duke harruar operacionin e pak kohëve më parë.
Në vendin e tretë dhe piloti që kompleton linjën e nisjes është kampioni i botës në fuqi Horge Lorenco.
Spanjolli i Yamahas ka regjistruar një kohë rreth 2 të dhjetat më të ngadaltë se Stoner.
Ndërkohë që ka zhgënjyer dyshja Rosi-Ducati. “Doktori” e sheh veten në vendin e fundit pikërisht në atë pistë ku do të plotësojë ditën e dielë kuotën e 250 çmimeve të mëdha në karrierë.
Top Channel
