Anzhi, 30 milionë euro për Vidic
30/08/2011 18:55
Nemanja Vidic, kapiteni i Manchester United, është objektivi i radhës i ekipit rus Anzhi Makhachkala.
Pas blerjes së Samuel Eto’o nga Interi, rusët e pasur kërkojnë përforcimin e mbrojtjes dhe qendërmbrojtësi serb i kampionëve në fuqi të Anglisë është objektivi kryesor i tyre.
Burime nga Anzhi kanë bërë të ditur për ‘The Sun’ se është gati një ofertë prej rreth 30 milionë eurosh për 29-vjeçarin.
Pronari i Anzhit është miliarderi rus Suleiman Kerymov, i cili shokoi botën e futbollit me blerjen e Eto’o javën e kaluar.
Top Channel