Moskë, hetim djalit të Mitt Romney

Deputeti i “Rusia e Drejtë”, Mikhail Serdiuk dorëzoi në parlament kërkesën e tij për të zbardhur vizitën e Romney Jr. Pinjolli i familjes amerikane vizitoi Moskën pak ditë më parë për arsye biznesi, por sipas Serdiuk ai është takuar me një person i cili ka kontakte me presidentin e Rusisë, Vladimir Putin.

Romney Jr. sipas ligjvënësit rus, i ka dorëzuar një mesazh të babait të tij për presidentin Putin. Ai e akuzon atë për “lojë të dyfishtë”, ndaj Serdiuk kërkon zbardhjen e “mesazhit misterioz”.

Mitt Romney nuk shihet me sy të mirë në Moskë, sidomos pas deklaratës së lëshuar në debatin e parë presidencial me Barack Obaman ku vlerësoi se Rusia është ndër “armiqtë potencialë” të Shteteve të Bashkuara. Ky pretendim i tij u rrëzua nga presidenti dhe kandidati demokrat, Barack Obama që deklaroi se vitet e luftës së ftohtë tashmë kishin përfunduar.

Top Channel