Profecia që parashikon fundin e Vatikanit

Megjithatë, këtë radhë nuk bëhet fjalë për fundin e planetit tonë, por vetëm për fundin e Selisë së Shenjtë të Vatikanit, periudhë që do të pasohet nga një epokë e “errët trazirash” dhe mungese stabiliteti deri në fillimin e shekullit të ardhshëm.

Shën Malahi, arkipeshk irlandez i Armaghvit, i konsideruar i shenjtë prej kishës, jetoi në vitet 1094-1148 dhe besohet se kishte fuqi të shikonte të ardhmen dhe ai ka lënë shumë profeci të shkruara gjatë jetës së tij.

Në vitin 1139, kleriku udhëtoi në Romë, ku pa një vizion të së ardhmes, të cilin e përshkroi në një dorëshkrim të kohës.

Sipas parashikimit, pas papës së 112-të, i cili do të jetë i ardhshmi, Vatikani do të pushojë së ekzistuari.

Kjo profeci është tepër e njohur në rrethet kishtare dhe për më tepër parashikon që papa i fundit do të jetë një “Papë i Zi”.

Profecia, e bërë në një shekull kur Europa dhe veçanërisht Irlanda nuk njihnin njerëz me ngjyrë, është edhe më goditëse duke pasur parasysh që pretendenti kryesor për të pasuar Benediktin XVI konsiderohet të jetë pikërisht kardinali ganez, Peter Turkson.

Foto: Benedikti XVI dhe kandidati kryesor per zevendesimin e tij, ganezi Peter Turkson

Sipas vargjeve të shkruara nga Shën Malahi, “qyteti i shtatë kodrave (siç njihet ndryshe Roma) do të shkatërrohet dhe një gjykatës i pamëshirshëm do të ulet mbi njerëzit pas Papës së Zi”.

Profecia e Shën Malahit, bëhet edhe më tronditëse duke llogaritur se disa profeci të tij të shkuara janë realizuar.

Për shembull, ai shkroi se papa i 110-të do të vinte dhe ikte nga “Lindja e Diellit”. Papa Gjon Pali i Dytë, u lind dhe u varros në ditë gjatë të cilave kishte eklips diellor.

Për Papën aktual, ai shkruante frazën “lavdia e ullinjve”, diçka që gjen lidhje me faktin se murgjit e urdhërit të Shën Benediktit njihen ndryshe edhe si “njerëzit e ullinjve”.

Top Channel