Kosova në vigjilje të 5-vjetorit

Zëvendëskryeministri Hajredin Kuçi deklaroi të enjten se në nivel qendror dhe lokal kanë filluar tashmë të gjitha përgatitjet. “Ka qenë një bashkëpunim shumë i mirë nga të gjithë ne, për faktin se nuk ka pasur reflektime politike apo partiake nga asnjë prej nesh”, tha Kuçi.

Në mbledhjen e qeverisë ministri i Kulturës, Memli Krasniqi kërkuar ndarjen e 170 mijë eurove për shënimin e pesëvjetorit, por kryeministri Thaçi mori vendim për ndarjen e vetëm 100 mijë eurove.

Aktivitetet do të fillojnë nesër me dekorimin e të gjitha qyteteve të Kosovës. Në të gjitha shkollat ora e parë e mësimit do t’i dedikohet ditës së pavarësisë, ndërsa në orën 12 në Universiteti i Prishtinës do të organizojë një akademi në nder të 43-vjetorit të këtij institucioni.

Më 16 shkurt do të bëhen homazhe në Prekaz, Klinë e Glloxhan tek varri i ish-presidenti Ibrahim Rugova, për të përfunduar tek shtatorja e Zahir Pajazitit.

Ndërsa në orën 18 do të mbahet një akademi solemne ku do të jenë të pranishëm të ftuar vendorë e ndërkombëtarë, si dhe një koncert nga Filhamornia e Kosovës.

Ndërkohë, më 17 shkurt, në orën 12:00 do të fillojë parada e trupave të FSK-së dhe Policisë së Kosovës. Ndërsa në orën 15 Kuvendi do të mbajë një seancë solemne dhe në orën 20 një koncert përmbyllës në qendër të Prishtinës.

Top Channel