Kinë, sateliti gjen “zonën e dyshuar”?

Administrata Shtetërore kineze për Shkencën, Teknologjinë dhe Industrinë për Mbrojtjen Kombëtare bëri të ditur këtë zbulim, përfshi këtu imazhet e atyre që – sipas saj – ishin “3 objekte të dyshimta notuese dhe përmasat e tyre”.

Objektet nuk janë të vogla: 13 me 18 metra, 14 me 19 metra dhe 24 me 22 metra. Sa për krahasim, hapja e krahut të një avioni Boeing 777-200 ER, i paprekur, i ngjashëm me atë të avionit të zhdukur është rreth 61 metra dhe gjatësia totale shkon në 64 metra.

Imazhet ishin kapur më 9 Mars, një ditë pasi aeroplani ishte zhdukur, por këto nuk ishin publikuar deri ditën e mërkurë.

Agjencia kineze dha koordinatat 105,63 gjatë lindore, 6,7 gjerësi veriore, që të dërgojnë në ujrat verilindorë nga vendi ku u nis në Kuala Lumpur të Malajzisë dhe në jug të Vietnamit, pranë vendit ku Deti i Kinës Jugore takohet me Gjirin e Tailandës.

“Është pikërisht vendi, ku mendohej të ishte avioni”, tha Peter Goelz, një ish-drejtor menaxherial i Bordit të Sigurisë së Transportit Kombëtar, duke theksuar skepticizmin e thellë rreth raportimeve se avioni është rikthyer mbrapsht për në Malajzi. “Mendoj se ekipet e shpëtimit duhet të dërgojnë sa më shpejt anije e avionë në atë vend”.

Kjo nuk është hera e parë që autoritetet kanë bërë të ditur se kanë vërejtur objekte apo gjurmë vaji që mund të lidhen me avionin e zhdukur. Megjithatë, këto zbulime janë të fundit dhe vijnë në të njëjtën ditë kur zyrtarët, në vend që të zvogëlojnë zonën e kërkimit, e kanë kaluar dyfishimin e saj një ditë më parë në afro 27 mijë milje2 detare apo 35 milje katrorë.

Top Channel