Koha dhe vendi ku u ul avioni në Divjakë bëri që ai të tërhiqte vëmendjen e shumë njerëzve. Top Channel intervistoi një prej dëshmitarëve që e pa të gjithë skenën e uljes së tij.
TCH: Mund të na e përshkruani se çfarë patë?
Dëshmitari Luka Sherifaj: Avioni udhëtonte nga Kavaja në drejtim të Bedatit, në një lartësi të ulët. Ishte vetëm 10-20 metra nga pishat.
TCH: Si e vutë re?
Dëshmitari: Na e tërhoqi vëmendjen nga lajmet që dëgjojmë për drogën.
TCH: Nga po e bënte fluturimin?
Dëshmitari: Përgjatë bregdetit.
TCH: Pas sa kohësh nga ulja e avionit erdhi policia?
Dëshmitari: Kaloi një fuoristradë policie 5 minuta pasi u ul avioni.
TCH: Ka pasur patrulla policie në këtë zonë?
Dëshmitari: Ka vetëm në qendër të Divjakës patrulla.
TCH: E pe arrestimin apo drogën?
Dëshmitari: Nuk pashë as arrestim, as drogë. Nuk lëviza fare nga hoteli. Pashë vetëm furgona të policisë.
TCH: Keni parë herë tjetër të ulen avionë këtu?
Dëshmitari: Avionë nuk kam parë të ulen, por kalojnë.
TCH: Kalojnë afër, në lartësi të ulët?
Dëshmitari: Po.
TCH: Kur ke parë për herë të fundit?
Dëshmitari: Para një muaji.
Top Channel