Ambasadori amerikan ne vendin tonë Alexander Arvizu deklaroi se duhet pritur përfundimi i hetimeve para se të dilet në përfundime për trafikun e drogës.
Arvizu ishte në Elbasan për ceremoninë e betimit të Korpusit të Paqes kur u pyet nga gazetarët për zhvillimet e ditëve të fundit dhe akuzat e opozitës mbi trafikun e lëndëve narkotike.
“Ka shumë më tepër gjëra që nuk dimë. Dhe mendoj se duhet të presim të shikojmë se çfarë do të nxjerrin hetimet. Qartazi ka shumë pikëpyetje dhe jam i interesuar të mësoj më shumë, por mendoj se është e rëndësishme që hetimet të jenë të plota dhe t’i përgjigjen shumë pyetjeve. Të gjithë e kanë një mendim në lidhje me këtë çështje dhe të gjithë e kanë të drejtën të kenë mendimin e tyre. Unë mendoj që kemi nevojë për më shumë informacion dhe më shumë fakte”, tha ambasadori amerikan.
Top Channel