Messi: Ëndërroj trofeun kundër Neymar
11/06/2014 00:00
VIDEO/ Përballjet në Europa League, Roma mposht Milanin me një lojtar më pak! Atalanta eleminon Liverpool-in 18/04 22:50
“Do të ishte një ëndërr të fitoja Botërorin dhe, siç po shkojnë gjërat, besoj se mund t’ia dalim”.
Këto kanë qenë fjalët e Lionel Messi-t, sulmuesit të Argjentinës, në lidhje me triumfin e mundshëm në finalen e këtij kompeticioni.
Kampioni i Barcelonës ka folur për mediat vendase edhe në lidhje me një dëshirë të tij, pikërisht për finalen e Brazil 2014. “Ndoshta do të mund të ndeshem kundër Neymar”.
Ndërkohë, gjithçka ecën mirë sa i përket përgatitjeve për debutimin e 16 Qershorit, kundër Bosnje Hercegovinës.
Mesi beson dhe këtë e shfaq hapur. “Mendoj se kam mësuar nga çfarë kam gabuar në edicionet e kaluara, në mënyrë që të mos i përsëris të njëjtat gabime. Kam dëshirë të fitoj dhe jam i vendosur të luftoj ndaj kujtdo”.
Shpresat e tifozëve argjentinas janë te “pleshti”, madje që ky të mos hasë sërish problemet fizike që e kanë penguar gjatë muajve të fundit.
Top Channel
