Veliaj kërkon mbështetjen e të rinjve për programin për Tiranën
10/06/2015 00:00
“Sjellje prej të forti në botën e bandave”, Alban Dudushi për gjuhën e Metës drejt SPAK: Pse heshti kaq kohë? Kërkoi një pazar, por… 17/04 22:39
Në një takim me banorët e njësisë 9 në kryeqytet, Erion Veliaj ju drejtua fillimisht të rinjve të kësaj zone, duke kërkuar mbështetjen e tyre për të trokitur në çdo derë, për çdo votë, pasi sipas Veliajt, çdo votë është e rëndësishme për të ndryshuar Tiranën.
“Duhet të luftojmë si në opozitë për çdo votë. Dua që secili prej jush të marrë detyrën e vet”, tha Veliaj.
Kjo gjë duhet, pasi, sipas Veliajt, ata i kanë vënë një qëllim vetes: “Të fitojmë 11 mini-bashkitë dhe 13 komunat për të pasur një rezultat 24 me 0 në bashkinë e re të Tiranës”.
Më pas, kandidati i mazhorancës për Bashkinë e Tiranës është takuar me banorë të kësaj njësie, ku është njohur me problemet e tyre dhe ka premtuar zgjidhjen e tyre.
“Nuk kanë ku luajnë fëmijët. Është zënë e gjithë hapësira me karrike lokalesh”, thonë banorët.
“60 lejet që Luli dha kur po ndërronte pushtetin, do të anulohen”, premtoi Veliaj.
Top Channel
