“Cristiano Ronaldo përballë murit shqiptar”

07/09/2015 13:55

Në një artikull kushtuar ndeshjes Shqipëri-Portugali, gazeta sportive spanjolle AS vë në dukje se ky takim do të vendosë fatet e kualifikimit për në Euro 2016 për të dyja kombëtaret.

E përditshmja madrilene shkruan se “Shqipëria është e pamposhtur në grupin I dhe ka pësuar vetëm dy gola”. Për këtë arsye, shpresa e vetme e Portugalisë për të rrëzuar atë që e quan “muri shqiptar”, është Cristiano Ronaldo.

“Nëse Cristiano shënon, Portugalia fiton, nëse jo, humbet”, shkruan AS.

Më tej, kjo gazetë thekson se Shqipëria nuk është më “Hirushja” e futbollit europian dhe shton se dëshira e shqiptarëve për të bërë historinë mund të vendosë ndeshjen, pavarësisht mungesës së individualiteteve në ekipin e drejtuar nga Gianni De Biasi.

Top Channel