Egjipt, Kajro “përmbytet” nga protestuesit

Përfaqësimi masiv në këtë protestë është ndikuar edhe nga grumbullimet për lutjen e së premtes. Vala e protestave është përqendruar në kërkesat për shtyrjen e zgjedhjeve parlamentare, të vendosura për të nisur të hënën.

Demonstrata e ditëve të fundit janë më të fuqishmet që kanë ndodhur në vend, që prej rrëzimit të regjimit të presidentit Mubarak, në muajin shkurt.

Këshilli Suprem i Ushtrisë, i cili drejton vendin përkohësisht, është duke mbikqyrur kalimin tranzicionin në një qeveri civile. Pavarësisht paraqitjes së garancive nga ana e drejtuesve për përshpejtimin e procesit, demonstruesit dyshojnë se ushtarakët po përpiqen t’i rezervojnë vetes një vend të rëndësishëm në skenën politike të Egjiptit në të ardhmen.

Ndonëse situata në vend mbetet e paqartë, ai që pritet të jetë grupimi fitues i zgjedhjeve, Vëllazëria Muslimane, nuk ka marrë pjesë në protesta dhe ka bërë thirrje për qetësi në prag të zgjedhjeve.

Top Channel