Siri, sulm ndaj bazës ushtarake
16/11/2011 00:00
Polonia, e gatshme të kthejë në Kiev ukrainasit që të shërbejnë në ushtri 24/04 22:47
Një bazë kryesore e ushtrisë siriane u sulmua gjatë ditës së mërkurë, në atë që mund të jetë shenja e parë për fillimin e një lufte civile në shkallë të gjerë, raportuan grupimet opozitare.
Sulmi duket se është organizuar nga dezertorë të ushtrisë, të cilët i janë bashkuar kryengritësve. Pjesë të kapaciteteve kundraajrore në bazën e ndodhur në Harasta, pranë Damaskut, janë shkatërruar. Nuk dihet numri i saktë i viktimave.
Për t’iu kundërpërgjigjur masakrave të presidentit al-Assad, grupimet opozitare kanë krijuar Ushtrinë e Sirisë së Lirë, por ajo ka qenë gjerësisht e pafuqishme për t’u përballur me forcat qeveritare deri tani.
Sulmi ndodh disa ditë pasi Liga Arabe pezulloi antarësimin e Sirisë, për shkak të mosrespektimit të të drejtave të njeriut në vend. Turqia, ndonëse nuk është antar i Ligës, morri pjesë në punime dhe paralajmëroi për pasoja të rënda Sirinë, një vend fqinj.
Sipas Organizatës së Kombeve të Bashkuara më shumë se 3 500 persona kanë vdekur që prej fillimit të protestave në muajin mars, përfshi 70 vetëm ditën e hënë. Sipas Damaskut zyrtar, në vend nuk po ndodh asnjë revoltë, por vetëm një lëvizje banditësh dhe terroristësh, e organizuar nga vendet perëndimore.
Top Channel
